Cómo llegar - ayto-norena
Localización y mapes
El conceyu de Noreña -el más pequeñu d'Asturies, con 5,66 km²- atópase al NE de la zona central del Principáu d'Asturies, a una distancia de 10 km d'Uviéu, 20 km de Xixón, 12 km de Llangréu y 5 km de La Pola Siero. Ta comprendíu ente los 43º 23' 04'' y 43º 24' 33'' de llatitú N y los 2º 00' 32'' y 2º 02' 10'' de llonxitú O del meridianu de Madrid.
El Conceyu de Noreña atópase enclaváu nel conceyu de Siero. Atiesta al N cola parroquia de Samartindianes; al S cola d'Hevia; al E cola de La Carrera; y al O cola d'Argüeyes.
El so territoriu, fragmentáu en cinco partes que s'inxerten a manera d'isles nel conceyu de Siero, organízase en trés parroquies:
La parroquia de Noreña, asitiada na parte central del conceyu de Siero, tien como únicu nucleu de población la villa de Noreña, capital del conceyu, centru alministrativu, comercial y de servicios del mesmu y onde se concentra'l 98 % de la población del conceyu.
La parroquia de Ceis, na metá norte del conceyu de Siero, confórmenla les entidaes de San Andrés, La Felguera, La Carril, Serrapicón, La Braña, L'Otero y La Peral.
La parroquia de Santa Marina, al sur del conceyu sierense, na llende ente los conceyos de Siero y Llangréu, tien un nucleu namás, La Pasera.
El conceyu tien un relieve suave, destacando na villa de Noreña dos llombes, El Rebollín, a 213 m, onde s'asitia la mayor parte de la población, y la otra a 230 m, nel llugar conocíu como'l castañeu de La Soledá.
El Río Noreña, que desagua n'El Río Nora, afluente del Nalón, y dellos regueros son los encargaos de regar estes tierres.
Noreña disfruta d'un clima oceánicu, templáu y húmedu. Les temperatures medies varien ente los 6,8 ºC pel iviernu y los 18,5 ºC pel branu.
-
Nacional 634 - Uviéu-Santander
-
Autovía Minera AS-I: salida 19
-
Autovía A-64: salida 22
-
ALSA
-
Tl. información: 902 422 242
-
RENFE-ADIF
- Llinies: Xixón-Llaviana y Xixón-Uviéu-Trubia
- Tl. información: 902 240 202
- www.renfe.com
-
Aeropuertu d'Asturies, Anzu (Castrillón)
-
Tl. información: 985 127 500
- Accesu a la web del Aeropuertu d'Asturies
- El serviciu d'Autopista del Mar que conecta Xixón con Nantes/Saint Nazaire opera con trés escales selmanales en cada sen con un tiempu de navegación de 14 hores
-
Tl. información: 985 317 129
- Accesu a la web del Puertu de Xixón